Heydər Əliyev Mərkəzi

Heydər Əliyev Mərkəzi Azərbaycanın paytaxtı Bakı şəhərinin Heydər Əliyev prospektində inşa edilmiş mədəniyyət mərkəzidir. Bu, auditoriya (konqres mərkəzi), muzey, sərgi salonları və inzibati ofisləri özündə birləşdirən kompleks binadır. O, Azərbaycanın üçüncü prezidenti Heydər Əliyevin adını daşıyır. Mərkəz 2007-ci ildə memar Zaha Hadid tərəfindən layihələndirilib.

Mərkəzin əsas binası üç şöbədən ibarətdir: Heydər Əliyev Muzeyi, sərgi salonları və Auditoriya. Sərgi salonlarının doqquz mərtəbəli hissəsində sərgi salonları, inzibati ofislər, həmçinin restoran və kafe yerləşir. Dörd mərtəbəli “Auditoriya” Auditoriyanın özündən, iki konfrans zalı, rəsmi görüş və toplantılar üçün otaqlar və Media Mərkəzindən ibarətdir. Binanın təbii dekorativ ağac və güllərdən ibarət landşaft sahəsi də var. Həmçinin, binada müxtəlif interaktiv məlumat köşkləri var ki, onlar vasitəsilə qonaqlar Mərkəz və burada keçirilən tədbirlər haqqında məlumat ala bilərlər.